Ambasadori gjerman në Kosovë, Jorn Rohde, ka deklaruar se anulimi i konferencës së kryetares së Dhomave të Specializuara, Ekaterina Trendafilova, pas presionit të veteranëve të UÇK-së, ngreh shqetësime të mëdha.

Ai ka shkruar në platformën e tij në “Bluesky” se autoritetet kosovare duhet të sigurohen që Dhomat e Specializuara “të mund të kryejnë punën e tyre pa pagesa”, derisa shtoi se ky institucion është pjesë e sistemit ligjor të Kosovës.

“Dhomat e Specializuara të Kosovës janë pjesë e sistemit ligjor të Kosovës dhe informimi i publikut është një shtyllë thelbësore mbi mandatin e saj. Anulimi i konferencës për media pas presionit nga veteranët e UÇK-së ngre shqetësime të mëdha. Autoritetet duhet të sigurojnë që gjykata të mund ta kryejë punën e saj pa pengesa”, ka deklaruar Rohde.

Trendafilova të martën anuloi konferencën pas protestës që bënë veteranët e Ushtrisë Çlirimtare të Kosovës. Ata u shprehën kundër vizitës së saj në Kosovë, duke u shprehur se “vizita e saj është vetëm për të keqen e Kosovës”.

Avokati i Popullit, Naim Qelaj, ia ka shprehur shqetësimet në lidhje me punën e Dhomave të Specializuara, kryetares së Gjykatës Speciale, Ekaterina Trendafilova, në një takim të martën.

Sipas një njoftimi për media, çështjet e diskutuara ishin bazuar në shqetësimet e ngritura nga palët. Avokati i Popullit ka shprehur shqetësime nëse po garantohet gjykim i drejtë dhe i paanshëm për të akuzuarit.

The Kosovo Specialist Chambers are part of the Kosovar legal system & informing the public is an essential pillar of its mandate.
The press conference’s cancellation after pressure from KLA veterans raises grave concerns.
Authorities must ensure that the court can execute its work unhindered.

— Ambassador Jörn Rohde (@pristina.diplo.de) May 14, 2025 at 11:05 AM

Lexo edhe:

Avokati i Popullit në takim me Trendafilovën ngre shqetësime për funksionimin e Dhomave të Specializuara